Gen z को अनलाइन बिस्फोट: सुसिला कार्की वा बालेन प्रधानमन्त्री?

Gen-Z नेपाल अनलाइन मिटिङ: ७८०० सहभागी, सुसिला कार्की वा बालेनलाई प्रधानमन्त्री बनाउन प्रस्ताव काठमाडौं । सिंहदरबारमा सडकस्तरको आन्दोलन रोकिए पनि, आज बुधबार Gen-Z पुस्ताले अनलाइनमार्फत दुई घण्टा लामो छलफल गरेका छन्। उक्त भर्चुअल मिटिङमा करिब ७८०० जना सहभागी भएको आयोजकहरूले बताएका छन्। मिटिङमा हालसम्म उठाइएका प्रमुख प्रस्तावहरू: संसद विघटन गरी सुसिला कार्की वा बालेन शाहलाई प्रधानमन्त्री नियुक्त गर्ने। नरसंहार मच्चाउन आदेश दिने तत्कालीन प्रधानमन्त्री, गृहमन्त्रीदेखि संलग्न सबैलाई तुरुन्तै पक्राउ गरी कानुनी कारबाही गर्ने। जेन-जि पुस्ता समेत सहभागी हुने गरी ६ महिनाभित्र संघीय संसदको निर्वाचन घोषणा गर्ने। २०४६ सालयता सार्वजनिक पदमा बसेका सबैको सम्पत्ति छानबिन गर्ने। सबै भ्रष्टाचार काण्डको स्वतन्त्र र न्यायिक छानबिन गर्ने। दुई महिनाभित्र नयाँ संविधान जारी गर्ने जसमा: हिन्दू राष्ट्र घोषणा प्रत्यक्ष निर्वाचित कार्यकारी प्रमुख सांसदलाई मन्त्री बन्न रोक लगाउने प्रदेश संरचना खारेज गरी संघ र स्थानीय मात्र राख्ने प्रधानमन्त्री दुई कार्यकाल भन्दा बढी नबन्ने व्यवस्था संवैधानिक परिषद् लगायतमा दलगत भागबण्डा अन्त्य गरी मेरिटका आधारमा नियुक्ति राष्ट्रिय सभा र स्थानीय तहलाई गैरदलीय बनाउने पत्रकार, चिकित्सक, शिक्षक, विद्यार्थी, कर्मचारीहरूको दलीय संगठनमा निषेध गर्ने Gen-Z पुस्ताको यो छलफललाई आगामी दिनमा हुने आन्दोलनका एजेन्डा तय गर्ने महत्वपूर्ण अभ्यासको रूपमा हेरिएको छ।